கடல் கடந்தவன்

நகைச்சுவை

2008-11-19T19:00:00.008+08:00

நான் ரசித்த சிரிப்புகளை நம்ம மக்களும் படித்து மகிழ இந்த பதிவு.

அம்மா ஒரு பையன்கிட்ட மாவு அரைக்க சொன்னாங்க. ஆனா அவன் பதுங்கி, பதுங்கி போனான். ஏன் தெரியுமா?
ஏன்னா அவன் அம்மா, மாவை நைசா அரைக்க சொன்னாங்க அதான்.

இரண்டு பாகிஸ்தானியும், இரு இந்தியனும் கிரிக்கெட் மேட்ச் பார்க்க சென்றார்கள். புகைவண்டியில் பயணம் செய்வதற்கு பாகிஸ்தானியர்கள் இரு பயணச் சீட்டு வாங்கினார்கள். ஆனால் நம்ம ஆட்கள் ஒரு பயணச் சீட்டு வாங்கினார்கள். அப்போது பாகிஸ்தானி எப்படி?? என்றான்.
அதற்கு நம்ம ஆள் பொருத்திருந்து பார் என்றான்.
புகைவண்டியில் ஏறியவுடன் நம்ம ஆட்கள் டாய்லட்டுக்குள் புகுந்து கொண்டனர். பயண பரிசோதகர் கதவை தட்டி கேட்டவுடன், கையை மட்டும் நீட்டி பயண சீட்டை காட்டினான். அவர் சரி என்று சென்று விட்டார். விளையாட்டு முடிந்து வரும்போது பாகிஸ்தானியர்கள் ஒரு சீட்டு வாங்கினார்கள். ஆனல் நம்ம ஆட்கள் பயணச்சீட்டே வாங்க வில்லை. அப்போது பாகிஸ்தானி எப்படி?? என்றான், அதற்கு நம்ம ஆள் பொருத்திருந்து பார் என்றான்.
புகைவண்டி வந்தவுடன் பாகிஸ்தானியர்கள் இருவரும் டாய்லட்டுக்குள் புகுந்து கொண்டனர். நம்ம ஆட்களும் வேரொரு டாய்லெட்டுக்குள் புகுந்து கொண்டனர். சிறிது நேரம் கழித்து நம்ம ஆள் ஒருத்தன் மட்டும் வெளியில் வந்து, பாகிஸ்தானியர்கள் இருந்த டாய்லேட் கதவை தட்டி Ticket Please.... என்றார். உடனே அவன் கையை நீட்டி பயணச் சீட்டை காட்டினான். உடனே நம்ம ஆள் அந்த சீட்டை வாங்கி, எடுத்து வட்டு வந்து அவன் டாய்லெட்டுகுள் புகுந்துக் கொண்டான்.

சக்கரா குடியேற்றல் ஆலோசனை நிறுவனம்

2008-08-31T09:33:00.010+08:00

நான் (Work permit) எனப்படும் வேலை அனுமதி சீட்டில் இருப்பதால் என்னால் குடும்பத்தை சிங்கைக்கு கொண்டு வர இயலவில்லை. எனது நிறுவனமும் அதற்கு ஒத்துழைக்கவில்லை. குடும்மத்தோடு இருக்க வேண்டும், ஓன்று இந்தியாவில் அல்லது? அப்போது நண்பர்கள் உதவியோடு அறிமுகமனதுதான் ஆஸ்திரேலியாவில் குடியேறுதல். ஆஸ்திரேலியாவில் குடியேறுவதற்கு உலகெங்கும் நிறைய முகவர்கள் இருந்தாலும், ஒவ்வொருத்தருக்கும் இடையே கட்டணத்தில் மாறுபாடு உள்ளது. நான் தேர்ந்தெடுத்தது தமிழகத்தின் தஞ்சையில் உள்ள சக்கரா குடியேற்றல் ஆலோசனை நிறுவனம். இது அரசாங்கத்தால் பதிவு பெற்றது. மேலும் நியாயமான கட்டணம். இம்முயற்சியை ஆரம்பித்தது 2006ல் நவம்பரில். ஆனால் ஆஸ்திரேலியா அரசாங்கம் ஒப்புதல் கொடுத்தது 2008 ஆகஸ்ட் மாதத்தில். இந்த இரண்டு வருடம் என்பது நீண்ட இடைவெளி என்பது ஆஸ்திரேலியா அரசாங்க குடிநுழைவு துறையில் அதிகமான விண்ணப்பங்களால் ஏற்பட்டது. இப்பதிவின் மூலம் திரு. முருகன் (சக்கரா நிறுவனத்தின் இயக்குநர்) அவர்களுக்கு எனது நன்றியினையும், சக்கரா நிறுவனத்திற்கு எனது நற்சான்றினையும் வழங்குகிறேன்.

அவர்களது இணைய முகவ்ரி

சக்கரா குடியேற்றல் ஆலோசனை நிறுவனம்

கட்டண விபரம்

கைத்தொலைபேசி களவு போனால்

2008-08-28T15:39:00.002+08:00

ஒரு நாள் என் நண்பண் தன் கைத்தொலைபேசி களவு போய் விட்டதாகவும். உலக கைத்தொலைபேசி அடையாள எண்ணை(IMEI - International Mobile Equipment Identify) வைத்து, அந்த தொலைபேசியை உபயோகபடுத்த முடியாதபடி ஏதும் செய்ய முடியுமா என்று கேட்டார். காணாமல் போனால் விடு, அடுத்தவனாவது அதனை பாவிக்கட்டுமே என்றேன் நான்.

நானாக தவற விட்டிருந்தால், அது என்னுடைய தவறு என்று விட்டிருப்பேன். ஆனால் இது என் வீட்டினுள் இருந்து களவு போனது. ஆதாலால் ஏதாவது செய்ய வேண்டும் என்றார். களவு போனது இந்தியாவில். எனக்கு அதை பற்றிய அறிவு எனக்கு இல்லை. நான் பதிவுலக நண்பர்களிடம் கேட்கிறேன், நிச்சயமாக உனக்கு ஒரு தீர்வு கிட்டும் என்று சொல்லியிருக்கிறேன். நண்பர்களே இதற்கு ஒரு தீர்வு சொல்லி நம் பதிலக நண்பர்களின் நன்மதிப்பை காப்பாற்றும்படி வேண்டி விரும்பி கேட்டுக் கொள்கிறேன்.

தட்டச்சு பலகையின் சிற்சில குறுக்குவழிகள்

2008-08-13T14:10:00.016+08:00

நாம் சிலரை பார்த்திருப்போம் நம்முடன் பேசிக்கொண்டே, அவர்களின் விரல்கள் தட்டச்சுப்பலகையின் மேல் மின்னல்வேகத்தில் சுழன்றடிக்கும் அதேவேளையில் திரையில் காரியம் முடிந்திருக்கும். வியப்பாய் நாம் பார்த்துக்கொண்டு நிற்போம். மூன்று நிமிடத்தில் நாம் செய்வதை அவர் மூன்றே நொடியில் செய்து முடிப்பார். எல்லாம் தட்டச்சு குறுக்கு வழிகளின் உபயம் தான். நிங்களும் இந்த தட்டச்சு பலகையின் சிற்சில குறுக்குவழிகளை தெரிந்து வைத்திருந்து அதை அவ்வப்போது பழக்கப்படுத்தி வந்தால் மற்றவர் வியக்கும் அளவிற்கு நீங்களும் கணிணியில் புகுந்து விளையாடலாம்.

உதவி குறிப்புகள்:
ஏதாவது .com என முடியும் தளம் போகவேண்டுமா? like www.yahoo.com ,
just type yahoo in address bar and hit ctrl + enter

ஏதாவது .net என முடியும் தளம் போகவேண்டுமா? like www.yahoo.net ,
just type yahoo in address bar and hit Shift + Enter

ஏதாவது .org என முடியும் தளம் போகவேண்டுமா? like www.yahoo.org ,
just type yahoo in address bar and hit ctrl + shift + Enter

Ctrl-லை அழுத்தியவாறே + அழுத்தினால் எழுத்துரு பெரிதாகிக்கொண்டேவரும்.தெரியுமா?
Ctrl-லை அழுத்தியவாறே - அழுத்தினால் எழுத்துரு சிறிதாகிக்கொண்டேவரும்.தெரியுமோ?

Ctrl-லை அழுத்தியவாறே a அழுத்தினால் அது அனைத்தையும் தெரிவு செய்யும்
Ctrl-லை அழுத்தியவாறே c அழுத்தினால் அது தெரிவு செய்தவற்றை காப்பி செய்யும்
Ctrl-லை அழுத்தியவாறே x அழுத்தினால் அது தெரிவு செய்தவற்றை கட் செய்யும்
Ctrl-லை அழுத்தியவாறே v அழுத்தினால் அது மேலே நீங்கள் தெரிவு செய்தவற்றை பேஸ்ட் செய்யும்
Ctrl-லை அழுத்தியவாறே ESC அழுத்தினால் Start menu திறக்கப்படும்.

Alt-ஐ அழுத்தியவாறே F4 அழுத்தினால் உங்கள் முன்னால் உள்ள விண்டோ மூடப்படும்.
WINDOWS KEY -ஐ அழுத்தியவாறே D அழுத்தினால் உங்கள் முன்னால் உள்ள எல்லா விண்டோஸ்களும் மினிமைஸ் செய்யப்பட்டு டெஸ்க் டாப் மட்டுமே தெரியும்.
WINDOWS KEY -ஐ அழுத்தியவாறே F அழுத்தினால் Find files திறக்கும்.
F3 அழுத்தினால் Find திறக்கும்.
F5 அழுத்தினால் refresh ஆகும்.
Alt-ஐ அழுத்தியவாறே tab அழுத்தினால் திறக்கப்பட்டிருக்கும் அப்ளிகேசன் விண்டோஸ்களிடையே உலாவரலாம்.

shift-ஐ அழுத்திக்கொண்டு down or up key அழுத்தினால் அது குறிப்பிட்ட வரிகளை மட்டும் தெரிவு செய்யும்.
shift-ஐ அழுத்திக்கொண்டு page down or page up அழுத்தினால் அது குறிப்பிட்ட முழு பக்கங்களையும் தெரிவு செய்யும்.

Tab-ஐ தட்டுவது 8 spaces தட்டுவதற்கு சமானமாகும்.

Start->run -ல்
... (மூன்று புள்ளிகள் டைப்பினால்) My Computer திறக்கப்படும்
.. (இரண்டு புள்ளிகள் டைப்பினால்) Documents and settings folder திறக்கப்படும்
. (ஒரு புள்ளி டைப்பினால்)User Profile திறக்கப்படும்

WINDOWS KEY -ஐ தட்டி அப்புறம் L-வை தட்டினால் உங்கள் கணிணி லாக் ஆகிவிடும்.
WINDOWS KEY -ஐ தட்டி அப்புறம் U-வை தட்டினால் உங்கள் கணிணி ஷட்டவுன் செய்யவாவென கேட்கும்.

இப்படி ஒவ்வொன்றாய் முயன்றுபாருங்கள் எல்லாமே சாத்தியம்தான் . சித்திரமும் கைப்பழக்கம். செந்தமிழும் நாப்பழக்கம்.

சில உபயோகமான இணைப்புகள்

தட்டச்சு பலகையின் சிற்சில குறுக்குவழிகள்

நாட்டாமை தீர்ப்பை மாத்தி எழுது

2008-06-07T11:15:00.006+08:00

ஒரு ஊரில் 60 வயதான பணக்காரர் வாழ்ந்து வந்தார். அவருக்கு பிள்ளைகள் இல்லை. ஒரு நாள் அவருடைய மனைவி இறந்து விட்டாள். காரியங்கள் எல்லாம் முடிந்தது. அவர் தனிமையில் இருந்ததால் அவருடைய சொந்தக்காரர்கள் எல்லாம் சேர்ந்து அவருக்கு துணைக்கு ஒருவர் வேண்டும் என்று சொல்லி ஒரு 20 வயது பெண்ணை திருமணம் பண்ணி வைத்தார்கள். அவர்களுக்கு அடுத்த வருடதிதிலே ஒரு குழந்தையும் பிறந்தது.(எப்படின்னு கேக்காதிங்க). சிறிது நாட்களுக்கு பிறகு அவர்களுக்குள் பிணக்கு ஏற்பட்டு, பிரிந்து வாழவது என்று முடிவு செய்து நீதிமன்றம் சென்றார்கள். அவர்களுடைய கோரிக்கையை ஏற்று நீதிமன்றம் அவர்கள் பிரிந்து வாழ தீர்ப்பு வழங்கியது. இப்போது பிரச்சனை குழந்தை யாரிடம் வளர்வது என்று?.
அந்த பெண்ணோ அவளின் வயதை கணக்கில் கொண்டு குழந்தை தன்னிடம் இருந்தால்தான் பாதுகாப்பாகவும் நன்றாகவும் வளரும் என்று கூறுகிறாள். அந்த பெரியவரோ, தன் செல்வத்தை கணக்கில் கொண்டு குழந்தை தன்னிடம் இருந்தால்தான் பாதுகாப்பாக வளரும் என்கிறார். நீதிபதிக்கோ குழப்பம்!
அப்போது அந்த பெரியர் நான் ஒரு குட்டி கதை கூறுகிறேன், அதற்கு பின் நீங்கள் தீர்ப்பு கூறுங்கள் என்றார்.
நான் 5 ரூபாய் நாணயத்தை எடுத்து தானியங்கி தேனீர் வழங்கும் இயந்திரத்தில் போடுகிறேன். அது பேப்பர் குவளையில் தேநீரும் வழங்கியது. இப்போது அந்த தேநீர் எனக்கு சொந்தமா அல்லது அந்த இயந்திரத்திற்கு சொந்தமா? இதற்குமேல் தாங்கள் தீர்ப்பு கூறுங்கள் என்றார்.
இது எப்படி இருக்கு!!
நீதிபதி என்ன தீர்ப்பு கூறியிருப்பார்ன்னு புரிஞ்சிருக்கும்னு நினைக்கிறேன்

சிங்கப்பூரிலிருந்து ஆன்லைன் மூலம் இந்தியாவிற்கு பணம் அனுப்புதல்

2008-05-19T10:15:00.004+08:00

முன்பெல்லாம் இந்திய வங்கிகளுக்கு பணம் அனுப்ப ராபில்ஸ் பிலேஸுக்குதான் செல்ல வேண்டும். ஆனால் இப்போது பரவாயில்லை, ரெமிட்டன்ஸ் சென்டர் திறந்து சேவை பண்ணி கொண்டிருக்கிறார்கள். இது ஓரளவிற்கு பாரவாயில்லை என்றே சொல்லலாம். ஏனெனில் பணம் அனுப்புவதற்காக விடுமுறை எடுக்க வேண்டியதில்லை. ஆனால் ஆன்லைனில் பணம் அனுப்பும் முறையினால் உங்கள் நேரத்தை மிச்சப்படுத்த முடியும்.

இது ஐசிஐசிஐ வங்கி மற்றும் HDFC வங்கிகள் டிபிஸ் வங்கியுடன் இணைந்து இச்சேவையை வழங்கி வருகிறது. கடந்த வருடத்திலிருந்து நமது இந்தியன் வங்கியும் இச்சேவையும் டிபிஸ் வங்கியுடன் இணைந்து ஆன்லைன் மூலம் பணம் அனுப்பும் முறையை வழங்கி வருகிறது.

ஐசிஐசிஐ மற்றும் HDFC வங்கிகளில் பதிவு செய்வது சுலபம். வீட்டிலிருந்தே பதிவு செய்து பணம் அனுப்பி கொள்ளலாம். ஆனால் நமது இந்தியன் வங்கிகளில் பதிவு செய்வது என்பது கடவுசீட்டு வாங்குவதற்கு சமமானது. நேரடியாக சென்று பாரம் பூர்த்தி செய்து, புகைபடத்தையும் ஒட்டி கொடுத்தால்தான் அடையாள பெயரையும், கடவு சொல்லையும் கொடுப்பர்கள். இப்போது இந்தியன் மற்றும் ஐசிஐசிஐ வங்கிகளில் பணம் அனுப்ப 6 வெள்ளி கூடுதலாக கொடுக்க வேண்டியிருக்கும். ஆனால் HDFCயில் 250 வெள்ளிக்குமேல் பணம் அனுப்ப கூடுதலாக வெள்ளி கொடுக்க வேண்டியதில்லை.

ஒர் சிறப்பு தேர்ந்தெடுக்கப்பட்ட ஒரு சில இந்தியன் வங்க்கிகும் HDFC மூலம் பணம் அனுப்ப முடியும்.

கணவன் மனைவியின் கலக்கல் காமெடி

2008-03-13T10:53:00.002+08:00

மனைவி : என்ன செய்யறிங்க?
கணவன் : ஒன்னும் செய்யல.
மனைவி : ஒன்னும் செய்யலய...? நம்மலுடைய கல்யாண சான்றிதழ ரொம்ப
நேரமா பார்த்துகிட்டு இருக்கிற மாதிரி தெரியுது.
கணவன் : ம்ம்.. இதுல காலாவதி தேதி இருக்கான்னு பார்த்திக்கிட்டுருந்தேன்.

மனைவி : உங்களுக்கு இரவு உணவு வேணுமா??
கணவன் : நிச்சயமா... என்னுடைய சாய்ஸ் என்ன?
மனைவி : ம்ம்.. வேணும் அல்லது வேண்டாம்.

மனைவி : என்னிடம் உங்களுக்கு பிடித்தது எது? என் அழகான முகமா? அல்லது எனது
கவர்ச்சியான உடலா?
கணவன் : சிறிது நேரம் தலைமுதல் கால்வரை பார்த்துவிட்டு........ எனக்கு உன்னிடத்தில்
பிடித்தது உன் நகைச்சுவை உணர்வுதான்...

அந்த மாதிரி கதை

2008-03-03T11:57:00.001+08:00

எப்பவுமே சரிங்க தற்பெருமை கூடவே கூடாதுங்க. அதுவும் பெருசுங்களுக்கு இருக்கிற குசும்பே தனிதான். பெருமையை சிறுமையா ஆக்கிடுங்க.
ஒரு பூங்காவில மூன்று பெருசுங்க உட்கார்ந்து கதை அடிச்சிகிட்டு இருந்தாங்க. என்ன செய்யறது பொழுது போகனுமில்ல. அப்பிடியே பேசிக்கிட்டு இருக்கும்போது ஒரு பெரிசு சொல்லிச்சு, எனக்கு இப்ப 50 வயாசுகுது. ஆனாலும் பாரு என் வைப்பாட்டி முழுகாம இருக்கான்னு சொல்லிச்சு. உடனே அடுத்த பெரிசு. இதென்ன பெரிய விஷயம் எனக்கு இப்ப 60வயாசாகுது, இருந்தாலும் என் பொண்டாட்டி இப்ப 5 மாதம் கர்ப்பம் அப்படின்னார்.
அப்ப மூனாவது பெருசு சொன்னார். நான் உங்களுகெல்லாம் ஒரு கதை சொல்றேன். அத கேட்டுட்டு உங்க திறமையின் பெருமையை நீங்க தெரிஞ்சிக்கிங்க .

நான் ஒரு காட்டு வழியா போகிட்டிருந்தேன். அழகான பூக்கள், மரங்கள் மற்றும் பறவைகள் பார்த்திகிட்டு என்னை மறந்து போய்கிட்டிருந்தேன். அப்ப ஒரு பறவையை பார்த்தேன். அழகுன்னா அழகு அப்படி ஒரு அழகு. நான் உடனே விளையாட்டா என்னுடைய கைத்தடிய தூக்கி அத பார்த்து "டும்" அப்படின்னு சுடுவது மாதிரி செய்தேன். ஆனா உடனே அந்த கிளி மேலே இருந்து கீழ விழுந்திருச்சி. எனக்கு ஆச்சிரியம் தாங்கல. எப்படிடா நாம வெறும் கைத்தடிய தூக்கி காண்பிச்சேன் எப்படி கிளி செத்து கீழ விழுந்திருக்கும் அப்படின்னு திரும்பி பார்க்கிறேன். ஒருத்தன் நிஜமான துப்பாக்கி வைத்து சுட்டிருக்கிறான் அப்படின்னு சொன்னார். அத கேட்ட உடனே ரெண்டு பெருசுங்களும் கப்சிப்ன்னு ஆகிடுச்சிங்க. அந்த ரெண்டு பெருசுங்கலுக்கு புரிஞ்ச மாதிரி உங்களுக்கும் புரிஞ்சிருக்கும்னு நம்பறேன்.

முஷாரப் கட்சி படுதோல்வி: ஷெரீப்-பெனாசிர் கட்சிகள் முன்னணி

2008-02-19T16:43:00.001+08:00

பாகிஸ்தானில் நேற்று நடந்த நாடாளுமன்றம் மற்றும் மாகாண சட்டசபைத் தேர்தல் வாக்கு எண்ணிக்கையில், முன்னாள் பிரதமர்கள் நவாஸ் ஷெரீப் மறும் பெனாசிர் கட்சிகள் முன்னணியில் உள்ளன. முஷாரப் ஆதரவு முஸ்லீம் லீக் கட்சி படுதோல்வியை சந்தித்துள்ளது.

ஆனால், யாருக்கும் மெஜாரிட்டி கிடைக்காது என்று தெரிகிறது.

பாகிஸ்தானில் பலத்த பாதுகாப்புக்கு இடையே நேற்று நாடாளுமன்றத்திற்கும், மாகாண சட்டசபைகளுக்கும் தேர்தல் நடந்தது. சர்வதேச தேர்தல் பார்வையாளர்களின் கண்காணிப்பில் கீழ் நடந்த இந்தத் தேர்தலில் முக்கால்வாசி வாக்காளர்கள் வாக்களிக்க வரவில்லை. 35 சதவீதம் பேர் மட்டுமே வாக்களித்தனர்.

வாக்குப் பதிவுக்குப் பின்னர் வாக்கு எண்ணிக்கை தொடங்கியது. இதில் தொடக்கத்திலிருந்தே நவாஸ் ஷெரீப் தலைமையிலான பாகிஸ்தான் முஸ்லீம் லீக் கட்சி முன்னணி பெற்றது. 2வது இடத்தை பெனாசிர் பூட்டவின் பாகிஸ்தான் மக்கள் கட்சி பெற்றுள்ளது. முஷாரப் ஆதரவு முஸ்லீம் லீக் கட்சி படு தோல்வியை சந்தித்துள்ளது.

மொத்தம் உள்ள 324 எம்.பி. தொகுதிகளில் இதுவரை 128 இடங்களுக்கான முடிவுகள் தெரிய வந்துள்ளன. அதில் நவாஸ் கட்சிக்கு 45 இடங்கள் கிடைத்துள்ளன. பெனாசிர் கட்சி 38 இடங்களைப் பிடித்துள்ளது. முஷாரப் ஆதரவு முஸ்லீம் லீக் கட்சிக்கு 18 இடங்களே கிடைத்தன. மற்றவர்கள் 27 தொகுதிகளில் வென்றுள்ளனர்.

முஷாரப் ஆதரவு பாகிஸ்தான் முஸ்லீம் லீக் கட்சியின் தலைவர் சுஜாத் உசேன் முன்னாள் ரயில்வே அமைச்சர் ஷேக் ரஷீத், முன்னாள் வெளியுறவு அமைச்சர் குர்ஷித் கசூரி உள்ளிட்ட பல தலைவர்கள் மண்ணைக் கவ்வியுள்ளனர்.

நவாஸ் கட்சி அதிக இடங்களில் வெற்றி பெறும் வாய்ப்பு உள்ளது. அதேசமயம், பெனாசிர் கட்சியும் பெருவாரியான வெற்றியைக் குவிக்கும் எனத் தெரிகிறது. மூன்றில் இரண்டு பங்கு இடங்களை இந்தக் கட்சிகள் கைப்பற்றும் எனவும் தெரிகிறது.

நன்றி : தட்ஸ்தமிழ்

காதலர் தினம்

2008-02-14T13:54:00.006+08:00

ஒரு ஊரில் கணவனும், மனைவியும் இருந்தார்கள். அவர்கள் மாட மாளிகை, கோட கோபரத்தில் மிக வசதியாக இல்லாவிட்டாலும் சந்தோசமாக வாழ்ந்தார்கள். இப்படி சந்தோசமாக வாழ்ந்தாலும் அவரகள் இருவர் மனதிலும் அடிக்கடி சிறிது வருத்தம் இழையோடும். அவனுக்கோ தன் மனைவியின் அழகான மனைவியின் கூந்தலுக்கு ஒரு குஞ்சம் வாங்கி கொடுக்க முடியவில்லையே என்று. அவளுக்கோ தன் கணவனின் அறுந்து போன கைக்கடிகாரத்திற்கு ஒரு வார் பட்டை வாங்கி கொடுக்க முடியவில்லையே என்று. வருத்திலும் ஒரு ஒற்றுமை அவர்களிடம். இப்படி இருக்கும்போது காதலர் தினம் வந்தது. சரி அவளுக்கு இந்த வருடமாவது ஆச்சிரியம்படும் வகையில் ஒரு பரிசு கொடுக்கலாம் என்று திட்டமிட்டான். காதலர் தினமும் வந்தது. ஆனால் கையில் பணமில்லை. என்ன செய்வது என்று திட்டமிட்ட படியே காலையிலெ வேளைக்கு சென்றவன் விட்டு இரவு வீட்டுக்கு திரும்பினான். மனைவின் நினைவும் அவ்வறே இருந்தது. அவன் மனைவிடம் சென்று வாழ்த்து சொல்லி பரிசை கொடுத்தான். அவளும் தன் ஒரு பரிசை அவனுக்கு கொடுத்தாள். இருவரும் பரிசை பிரித்தார்கள், பிரித்தவுடன் இருவர் கண்களிலும் கண்ணீர்.குஞ்சமும், கடிகார வார்பட்டையும் பரிசாக இருந்தன். இதிலும் ஒற்றுமையை பாருங்கள், அவள் தன் கூந்தலை விற்று தன் கணவனுக்கு வார்பட்டையும், அவன் தன் கடிகாரத்தை விற்று அவளுக்கு குஞ்சமும் வாங்கியிருந்தார்கள்.

என்னடா எல்லோரும் காதலர் தினம், காதலர் தினம் அப்படின்னு எழுதிகிட்டு இருக்காங்க, நம்ம பங்க்குக்கு நாமலும் கடிப்போம்னு எப்பவோ படிச்சத ஞாபகப் படுத்தி எழுதியிருக்கேன். வலிச்சா மன்னிக்கவும். இதவிட ஒரு காமெடி என்னான என் நண்பன்ட்ட காண்பிச்சு எப்பிடிட இருக்குன்னென். அவன் சொன்னான் கதை நல்லாத்தான் இருக்கு, ஆனா கடைசியில அவங்க அழுவுராங்கலே எதுக்கு தெரியுமான்னு கேட்டான். எதோ புதுமைய்ய சொல்லுவான்னு என்னடான்னேன். அந்த பொருளை ரெண்டு பேருமே பயன் படுத்த முடியலயேனு தான் அழுவராங்க அப்படின்னான்

பூனை குறுக்கே வந்தால் சகுனமா?

2008-02-10T17:27:00.000+08:00

நம்ம ஆட்கள்கிட்ட இருந்த ஒரு கெட்ட பழக்கம் மூடபழக்க வழக்கம். பூனை குறுக்க போக கூடாது, விதவைங்க எதிர்க்க போககூடாது, அதே மாதிரி ஒத்த பிராமணன் எதிர்க்க வந்தா சகுனம் சரியில்லன்னு சொல்லுவாங்க. இப்ப அந்த மாதிரி இல்லாவிட்டாலும்., அரசல் புரசலா அங்கொண்றும், எங்கொண்றுமா பேசிகிட்டுத்தான் இருக்காங்க. நம்ம பெரியவங்க சொன்ன ஒவ்வொன்றுக்கும் ஒரு காரணம் இருக்கும். ஆனா அது அப்படியே மருவி உண்மையான காரணமே மறைந்து போய் விட்டது. சமீபத்தில படிச்சத உங்கள் இடமும் பகிர்ந்து கொள்ளலாம் என்றுதான் இந்த பதிவு.

வெளியில போறப்ப பூனை குறுக்கே போனா சகுனம் சரியில்ல, கொஞ்ச நேரம் காத்திருந்து விட்டு செல்லுனும்னு சொல்வாங்க. அதனுடைய உண்மையான காரணம் என்னான்ன, அந்த காலத்திலெல்லாம் ஒரு ஊரிலிருந்து இன்னோரு ஊருக்கு போக நீண்ட தூரம் காட்டு வழியா பிராயாணம் பண்ணனும். சிருத்த, காட்டுபூனை, புலி போன்ற மிருகங்கள் இருக்கும். நாம காட்டு வழியா நடந்து போகுபோது, ரொம்ப தூரத்தில அது குறுக்காக போனா உடனே கொஞ்ச நேரம் நிக்கணும். எனென்றால் இந்த காட்டுபூனை, சிருத்த, புலி எல்லாத்திற்கும் ஒரு குணம் உண்டு. இந்தபக்கத்திலிருந்து அந்த பக்கம் போன உடனே போகாம கொஞ்சம் நேரம காத்திருக்குமாம், ஏதும் இரை கிடைக்குமா என்று. அதனால்தான் நம்ம பெரியங்க இந்த மாதிரி சொல்லிருக்கங்க. அது அப்பிடியே மருவி போய் இப்படி ஆகி விட்டது. ஆனா ஒத்த பிராமணன் எதிர்க்க வந்தா சகுனம் சரியில்லன்னு, ஏன் சொன்னாங்கன்னு சத்தியாமா எனக்கு தெரியாதுங்க. யாரவது தெரிஞ்சா சொல்லுங்க.

இந்தியா vs ஆஸ்திரேலியா - நேரடி ஒளிப்பரப்பு

2008-01-17T13:57:00.000+08:00

இணைய நண்பர்களுக்கு ஒரு நற்செய்தி. டும்..டும்...டும்....டும்...டும்...

வேலையில் இருந்து கொண்டே இணையத்தின் வழியாக இந்தியா vs ஆஸ்திரேலியா - நேரடி ஒளிப்பரப்பு பார்க்க வேண்டுமா? இங்கு
அழுத்தி பாருங்களேன். சரியாக சிங்கப்பூர் நேரம் 2.08 மணியின்போது உள்ள ஸ்கோர் விபரம் - ஆஸ்திரேலியா 5 விக்கெட் இழப்புடன் 62 ஓட்டம் எடுத்திருக்கிறது.

வேலைக்கு ஆட்களை எப்படி தேர்ந்தெடுப்பது.

2007-12-29T15:27:00.000+08:00

சில டிப்ஸ்.....
ஒரு அறையில் நூறு செங்கற்களை ஒன்றன் மேல் ஒன்றாக அழகாக அடுக்கி வைக்கவும். பின்னர் நேர்முக தேர்வுக்கு வந்துள்ள ஆட்களில், மூன்று அல்லது நான்கு ஆட்களை அந்த அறைக்கு அனுப்பி விடவும். ஒரு ஆறு மணி நேரம் கழித்து வந்து, அவர்களின் செய்கைகளை வைத்து ஆட்களை தேர்ந்தெடுக்கவும்.
1. செங்கற்களை சரியாக எண்ணியவர்களை கணக்கியல் துறைக்கு அனுப்பவும்.
2. மீண்டும் மீண்டும் எண்ணுபர்களை கணக்காய்வு துறைக்கு அனுப்பவும்
3. கற்களை மாற்றி மாற்றி வைத்திருபவர்களை தொழில்நுட்ப துறைக்கு அனுப்பவும்.
4. வித்தியாசமான முறையில் மாற்றி அடுக்கி வைத்திருப்பவ்ர்களை வியாபார முன்னேற்றத்துறைக்கு அனுப்பவும்.
5. ஒருத்தர்மேல் ஒருத்தர் கல்லை எறிந்துகொண்டு இருந்தால் செயல்துறைக்கு (Operations) அனுப்பவும்.
6. தூங்கி கொண்டு இருந்தால் பாதுகாப்பு துறைக்கு அனுப்பவும்.
7. கற்களை பல துண்டுகளாக உடைத்துக் கொண்டு இருந்தால் கணிணி துறைக்கு அனுப்பவும்.
8. ஒன்றுமே செய்யாமல் உட்கார்ந்து இருந்தால் மனிதவள துறைக்கு அனுப்பவும்.
9. வித்தியாசமான முறையில் முயற்சி செய்துகொண்டு இருக்கிறோம் என்று சொல்லிக் கொண்டு, ஒரு கல்லையும் மாற்றாமல் இருப்பவர்களை விற்பனை பிரிவுக்கு அனுப்பவும்.
10. கடைசியாய் ஒன்றுமே செய்யாமல் எந்த ஒரு கல்லையும் மாற்றி வைக்காமல் சும்மா உட்கார்ந்து பேசிகொண்டு இருந்தால் அவர்களை வாழ்த்தி உயரதிகாரியாய் வைக்கவும்.
என்ன நண்பர்களே தெரிந்து கொண்டீர்களா? நீங்கள் புதிதாய் நிறுவனம் ஆரம்பிக்கும்போது உஙகளுக்கு உபயோகமாய் இருக்கும்.

நச்சென ஒரு கதை

2007-12-28T17:36:00.000+08:00

நல்லார் ஒருவர் உளரேல்என அவர்பொருட்டு

எல்லோர்க்கும் பெய்யும் மழை

கோட்டக்குப்பம் ஒரு அழகான கடற்கரை கிராமம். அந்த கிராமத்தில பல இன மக்களும் ஒன்றாக வசித்து வந்தாங்க. ஒரு நாள் சரியான மழை. மழைன்னா உங்க வீட்டு, எங்க வீட்டு மழை இல்ல, பேய் மழைன்னு சொல்வாங்கலே அது மாதிரி. ஊரெல்லாம் ஒரே வெள்ளக்காட இருக்கு. தண்டோர போட்டு எல்லோரையும் ஊர் மண்டபத்தில கூட சொன்னாங்க. ஏன்னா அதான் ஊர்லயே மேடான பகுதி, மேலும் இத மாதிரி காலகட்டத்தில இங்கதான் வந்து தங்குவாங்கா. அப்புறம் மழை நின்ன உடனே அவங்க அவங்க வீட்டுக்கு போயிடுவாங்க. ஆனா இந்த தடவ மூனு நாலாகியும் மழை விடவேயில்லை. ஒரே இடி மின்னலுமா இருக்கு. அப்போ ஒரு பெருசு சொல்லிச்சு, இடி, மின்னல் எல்லாம் கெட்டவங்கல அழிப்பதற்காக ஆண்டவனால உருவாக்கப்படறது. இப்ப நாம எல்லோரும் ஒன்னா கூடியிருக்கிறோம். யாரவது ஒருத்தன் தப்பு பண்ணவன் இருந்தாகூட இடி இங்க விழுந்து நாம எல்லோரும் செத்து போயிருவோம். அதானால ஒருத்தன் ஒருத்தனா போய், அங்கவுள்ள பனை மரத்தை தொட்டுட்டு வாங்க, எவன் தப்பு பண்ணானோ அவன்மேல இடி விழுந்திடும், மத்தவங்கெலெல்லாம் தப்பிச்சிக்கிலாம்னு அப்பிடின்னார். சரின்னு சொல்லி ஒவ்வொருத்தனா போய் பனைமரத்த தொட்டுட்டு வந்தாங்க, ஒன்னுமே ஆவல, கடைசியா ஒருத்தந்தான் பாக்கி. அவனுக்கு உடம்பெல்லாம் வேர்த்திருச்சி. பயந்திகிட்டே போய் கண்ண மூடிக்கிட்டு பனைமரத்த தொட்டான். தொட்ட உடனே ஒரு பயங்கரமான இடி. கண்ண திறந்தான். அவனுக்கு ஒன்னும் ஆவல. அப்பாடான்னு திரும்பி பார்த்தான். அஙக பார்த்தா மண்டபத்து மேல இடி விழிந்து எல்லாம் செத்திட்டாங்க. அப்பதாங்க மேல சொன்ன திருக்குறல் எனக்கு ஞாபகம் வந்திச்சிங்க.

முதியோரைப் பற்றிய எண்ண கிறுக்கல்கள்

2007-12-25T09:25:00.000+08:00

நம்மை உருவக்கியவர்கள் நம் மூத்தோர்கள். அவர்கள் நிழலில் நாம் வாழ்ந்து கொண்டிருக்கிறோம். ஆனால் அவர்கள் நிலை?.. ஓரளவு திட்டமிட்டவர்கள் சிலபல பிரச்சனைகள் ஏற்பட்டாலும் சமாளித்து விடுகின்றனர். ஆனால் சாதரண, நிரந்தர வருமானம் இல்லாதவர்களின் நிலைதான் மிகவும் பரிதாபம்.
முன்னர் கூட்டு குடும்பமாக இருந்தபோது இத்தைகைய பிரச்சனைகள் குறைவாக இருந்தது.அவர்களின் பிரச்சனைகள் அவ்வப்போது ஆராயப்பட்டு தீர்க்கப்பட்டன. மேலும் குடும்ப உறுப்பினர்களில் ஒருவர் எப்படியும் வீட்டோடு இருந்ததால் அவர்களின் தேவை அறிந்து பூர்த்தி செய்ய முடிந்தது. ஆனால் இன்றைய கலாச்சார யுகத்தில் தேவைகள் அதிகரித்து வருவதால் அதிக வருவாய் ஈட்ட வேண்டிய கட்டாயத்தில், குறிப்பாக இளைய சமுதாயத்தினர் உள்ளனர்.இதனால் இளைய சமுக தலைமுறைக்கும் மூத்த குடிமக்களுக்கும் இடையேயான இடைவெளி அதிகரித்து வருகின்றது. இதனால் முதியர்களின் தேவைகளை அறிந்து உதவும் மனப்போக்கு குறைந்து வருகிறது.
இது, தாங்கள் தனித்து விடப்படுகிறமோ என்ற எண்ணத்தை அவர்களிடம் ஏற்படுத்துகிறது. இதன் தொடர்ச்சியாக கசப்பு உண்ர்வு பெருகி இரு தரப்பையும் பாதிக்கிறது. மேலும் முதுமை காரணமாக ஏற்படும் உடல் உபாதைகளை மற்றவர்கள் அவ்வளவாக பொருட்படுத்தாத போக்கும் பெருகி வருகிறது. இதனால் புதுபுது பிரச்சனைகள் உருவாகி அவர்களுக்கிடையே இடைவெளி அதிகரித்து ஏறக்குறைய அனாதை நிலைக்கு தள்ளப்படுகின்றனர்.
இத்தைகைய சூழ்நிலையில் முதியோரை காக்க வேண்டிய பொறுப்பு மக்கள் நல அரசுக்கு வேண்டும். அவர்களுக்கு நிதி உதவி மட்டுமின்றி சுகாதார மருத்துவ வசதிகள் ஏற்படுத்தி தரவேண்டியது தரவேண்டியது அரசின் முக்கிய பொருப்பகும். அரசின் உதவி சரியான நபருக்கு செல்கிறதா, ஆட்கள் முறையாக தேர்வு செய்யப்படுகிறார்களா என்பதையும் அரசு உன்னிப்பாக கண்காணிக்க வேண்டும். அதை உறுதி செய்ய வேண்டிய பொறுப்பும் அரசுக்கு உள்ளது.

காலன் சுனாமி!!

2007-12-13T20:47:00.000+08:00

கடந்த 2004ஆம் வருடம் டிசம்பர் மாதம் 26ஆம் தேதி நடந்த சோக நிகழ்சியை யாரும் மறந்திருக்கமாட்டீர்கள். அத்துர்சம்பவத்தில் இறந்தவர்களின் ஆத்ம சாந்திர்காக என் மலையாள நண்பர் திரு.அகஸ்டின் பெட்டேயல் அவர்கள் மலையாலத்தில் எழுதிய இக்கவிதயை தமிழில் மொழி பெயர்த்து காணிக்கையாக்குறேன்.

காணாமல் இருந்து நான்
கண்டது என் விழிகள்
என்னையறியாமல்
என் இமைகள் நனைந்தன

நான் பார்க்காத ஏதோ உலகம்போல
அறியாத ஒரு நிசப்தம்
கனத்த பயமுடன்
உலகத்தை விழுங்கவரும்
காலனைப் போல்

நான் கண்டேன் கடலின் அலைகளை
அம்பெய்தபோல் மிக வேகமாக
வந்ததே சுனாமி!

என் கடற்தாயே!
மாரில் மிதித்து எம்மக்களை
ஆழியில் அமிழ்த்தினாயே
உன் சக்தியை மக்கள் அறிவாரோ?

நீ எங்கள் எமன்னானது
வாழ்வில் மறக்க முடியாதது
காலன் சுனாமியே!!

என் வாழ்வில் என்று நினைத்தாலும்
என் விழிகள் நனையும்,
பூக்களாய் சொறியும்
இறந்தவர்களின்
ஆத்ம சாந்திர்க்காக....

இக்கவிதயை படித்தபின் இவர்களுக்காக ஒரு நிமிடம் மௌன அஞ்சலி செலுதுவீர்களாக.

நெஞ்சு பொருக்கதில்லையே, இந்த நிலைகெட்ட மனிதரை நினைத்துவிட்டால்

2007-12-09T15:11:00.000+08:00

நீதிமன்றங்களின் நேரம் எவ்வளவு அதி முக்கியமானது என்பது எல்லோருக்கும் தெரியும். எல்லா நீதிமன்றங்களிலும் வழக்குகளின் தேக்கம் எண்ணிலடங்கா. இந்தியாவிலுள்ள ஜார்கண்ட் மாநில நீதிபதி ஒருவர் இந்துக் கடவுள்களான ராமருக்கும் அனுமனுக்கும், சொத்து விவகாரம் ஒன்றில் சாட்சி சொல்ல நீதிமன்ற அழைப்பானை அனுப்பியிருக்கிறார். அதுமட்டுமல்ல, நீதிபதி சுனில்குமர்சிங், அதற்காகச் செய்திதாள்களிலும் விளம்பரம் ஒன்றைக் கொடுத்திருந்தார். நீதிமன்ற ஊழியர் வழியாகவும் பிறகு பதிவு அஞ்சல் மூலமாகவும் அனுப்பிய அழைப்பாணையை ஏற்று நீதிமன்றத்திற்கு வர தவறி விட்டீர்கள், ஆதலால் இருவரும் உடனடியாக நீதிமன்றத்திற்கு நேரடியாக நீதிமன்றத்திற்கு வரும்படி கேட்டுக் கொள்ளப்படுகிறீர்கள் என்று நீதிபதி குறிப்பிட்டிருந்தார். ராமரையும் அனுமனையும் நீதிமன்றத்தின் முன்பு தோன்றும்படி அந்த விளம்பரத்தில் கேட்டிருந்தார். செவ்வாய் கிழமையன்று அவ்விருவரும் நீதிமன்றத்தில் ஆஜராயிருக்க வேண்டும். ஆனால் அவர்கள் வராததால் அவர்களுக்கு அனுப்பட்ட அழைப்பானை முகவரி இல்லாமல் திரும்பி வந்ததாக நீதிபதி குறிப்பிட்டிருந்தார்.தான்பட் நகரின் துரித நீதிமன்ற நீதிபத்தான் அவர். ராமர் மற்றும் அனுமன் ஆலயங்கள் அமைந்திருக்கும் 1.4 ஏக்கர் நிலம் தன்னுடையது என்று சொந்தம் கொண்டாடுகிறார் கோயில் பூசாரி மன்மோகன்பகத், ஆனால் ஊர் மக்களோ நிலம் கோயிலுக்கு சொந்தம் என்று சொல்கின்றனர். இதற்காத்தான் இதை செய்திருக்கிறார்.

நன்றி - தமிழ்முரசு - சிங்கை

பாமரனுக்கும் தெரியும் கடவுள் நேரில் வருவதயிருந்தால் எண்ணிலடங்கா வழக்குகளுக்கு நீதிமன்றபடி ஏறவே தேவையில்லை என்று. ஆனால் படித்த, மிக உயர்ந்த இடத்தில் உள்ள, ஏனெனில் அவர்களுக்கு மட்டும்தான் நாம் தீர்ப்பின் மூலம் தண்டிக்கும் உரிமையை வழங்கியிருகிறோம். அப்படிபட்டவர் நீதிமன்றத்தின் பொன்னான நேரத்தை வீண்டித்து கேளீக்கூத்து செய்தியிருக்கிறார். என் ஆதங்கத்தினால் இந்த பதிவு. உங்களின் கருத்துகளை பதியுங்களேன். தெரிந்துகொள்கிறேன்.

வக்கத்தவன் வாத்தியார் வேலைக்கு, போக்கத்தவன் போலீஸ் வேலைக்கு

2007-12-07T19:57:00.000+08:00

நம்மாலு ஒருத்தன் கிட்ட போய் கேட்டேன், வக்கத்தவன் வாத்தியார் வேலைக்கு, போக்கத்தவன் போலீஸ் வேலைக்கு, அப்படின்னு தமிழ்ல பேச்சு வழக்குல சொல்ராங்கலே அப்படின்னா என்னான்னு கேட்டென்.
அவன் சொன்னான் எந்த வேலையுமெ கிடைக்காதவன் வாத்தியார் வேலைக்குதான் போகனும் அப்டின்னான்.அவன் எத வச்சி சொன்னான்ன, அந்த காலத்தில வாத்தியார் வேலை ஒரு சமூக பணியாகத்தான் செய்தாங்க.ஏன் அந்த காலம், கலைஞர் கடந்த ஆட்சியில ஆசிரியர்களுக்கு சம்பளம் எற்றும் வரை, வாத்தியார்ன பொண்ணு குடுக்ககூட மக்கள் யோசிச்சாங்க. நம்ம ஆளு அதவச்சிதான் சொல்லியிருப்பான்னு நினைக்கிறேன்.

ஆனால் சரியான வாக்கியம் என்னான்னா வாக்கு கற்றவன் வாத்தியார் வேலைக்கு. நன்றாக படித்து, நன்றாக சொல்லித் தரும் திறமையினை கற்றவந்தான் ஆசிரியர் பணிக்கு செல்ல முடியும் என்பதுதான் மருவி விட்டது.

சரி போக்கத்தவன் போலீஸ் வேலைக்கு அப்படின்னா?? கேட்டேன்.அடாவடிய எதற்கும், யாருக்கும் பயப்படாம இருக்கறவனும் மேலும் "போக்கு" என்றால் இடம் இருக்க இடம் இல்லாதவந்தான் போலீஸ் வேலைக்கு போகனும்.சுருக்கமா சொல்லனும்னா எதற்கும் துணிஞ்சவந்தான் இந்த வேலைக்கு சரியானவன் என்று பொருள் அர்தத்தோட சொன்னான்.

நான் சொன்னேன், தம்பி அப்படியில்ல,மனிதர்களின் மனப்போக்கினைக் கற்றவன், போலீஸ் வேலைக்கு போகவேண்டும் - ஏனனெனில், அவனுக்கு திருடர்களின் மனப்பாங்கும் சாமானியனின் மனப்பாங்கும் நன்கு தெரிந்து இருக்கும். இது திரிந்து இப்போது இந்த முட்டாள்தனமான உருமாற்றத்துடன் வழங்கப் படுகின்றது.

என்னங்க ஐயா! நான் சொல்றது சரிதானே? தவறா இருந்தா சொல்லுங்க தெரிஞ்சிக்கிறேன்

2007-12-04T19:04:00.000+08:00

நொங்கு தின்னவன் ஒடிட்டான், நோண்டித் திண்டவன் மாட்டிக்கிட்டான். அப்படின்னு தமிழ்ல ஒரு பழமொழி இருக்குன்னு எல்லோருக்கும் தெரியும்னு நினைக்கிறேன். அது மாதிரி ஒரு நிகழ்வு சமீபத்தில எனக்கு ஏற்பட்டுச்சு. என் நன்பன் புதுச இப்பதான் சிங்கப்பூருக்கு வந்திருக்கான். சரி அவனக்கு நாலு இடம் சுத்தி காண்பிபோம்னு சின்ன இந்தியாவுக்கு கூட்டிட்டுப்போனேன். அந்த இடத்த பார்த்த உடனே ரொம்ப சந்தோசப் பட்டு சொன்னான், நான் என்னமோ இங்க எல்லோரும் ஆங்கிலத்திலதான் பேசுவங்கான்னு பயந்துகிட்டே வந்தேன் இங்க வந்து பார்த்தா ஒன்னுமே வித்தியசமே தெரியலெயே, எங்க பார்த்தாலும் தமிழ்ல பெயர்பலகை, தமிழ்நாட்டு மனிதர்கள்ன்னு ரொம்ப சந்தோசப்பட்டான். சரி அவன அப்பிடியே ராஃபில் பிலெஸ், ஆர்ச்சார்ட் சாலைக்கு கூட்டிகின்னு போனேன். இந்தியன் வங்கிய காண்பிச்சிட்டு, அப்ப்டியே சுத்திக்கிண்ணு படகு குழாம்க்கு வந்தோம். அவனுக்கு ரொம்ப சந்தோசம், சிங்கப்பூர் ரொம்ப அழகா சுத்தமா இருக்குன்னு சொன்னான். நான் சொன்னேன், சிங்கப்பூர்ல உள்ளவங்கெல்லாம் சட்டத்திற்கு ரொம்ப கட்டு பட்டவங்க. இந்த பக்கம் போக கூடாதுன்னு சொன்னா போக மாட்டாங்க, அதே மாதிரி குப்பையை கீழ போடக்கூடாதுன்னு அரசாங்கம் சொல்லிருக்கு, அது மட்டுமில்ல குப்பை கீழ இருந்தாகூட அத எடுத்து குப்பை தொட்டில போட்டுடுவாங்க, அதான் சுத்தமயிருக்குன்னு நான் சொன்னேன். அந்த சமயம்பார்த்து ஒருத்தன் (சிங்கபூர்காரந்தான்) பிஸ்கட்ட சாப்பிட்டு காகிதத்தை தூக்கி போட்டுட்டு போனான். நம்மாலு என்ன ஒரு மாதிரியா பார்த்தான் பாருங்க!!. சரி நாம சொன்னத செய்வோம் அப்பிடின்னு அத எடுத்து குப்பை தொட்டியில போடாலாம்னு எடுத்துட்டு நிமிர்ந்தேன்,அது என்னான்னா என் கையில இருந்து பறந்து கீழே போய் விழுந்தது. அந்த சமயம் பார்த்து ஒரு காவல்துறை நண்பன் வந்தாரு, அவரு பார்த்துட்டு நம்மல அபராதம் கட்டுடா சொல்லிட்டான். நான் எவ்வளவோ சொல்லி பார்த்தேன். ம்ம்.. அவன் கேட்கிற மாதிரி இல்ல, இந்த குப்பையை நீதான் கீழே போட்டேன்ன்னுட்டான். அந்த சமத்தில நம்ம ஆளு ஒரு பார்வை பார்த்தான் பருங்க!!!. கடைசியா அவன் சொன்னன், இங்குள்ளவங்கெல்லாம் சட்டதிற்கு பயப்படல, அபராதத்திற்குதான் பயப்படராங்கன்னு அப்படின்னு சொல்லிட்டு இந்த பழமொழிய சொன்னாங்க. ஹி..ஹி.... ,

2007-12-03T11:07:00.000+08:00

பதப்படுத்தப்பட்ட பொருட்களை ஏற்றிச் செல்லும் கலம்

இவ்வகை கப்பல்கள் பதப்படுத்தப்பட்ட பொருட்களை ஏற்றி செல்வதற்கென்றே பிரத்யோகமாக வடிவமைக்கப் பட்டது. இவ்வகை கப்பல்கள் பொருட்கள் ஏற்றி செல்லும் இடம் பல பொருட்களை ஏற்றி செல்வத்ற்கு வசதியக பல அடுக்குகளையும், குளிரூட்டப்பட்டும் இருக்கும்.

உதாரணம் : இறைச்சி,பழங்கள், பால் பொருட்கள் மற்றும் பல... பொருட்களின் மதிப்பை மனதில் கொண்டு இவ்வகை கப்பல்கள் மிகப் பெரிதாகவும், வேகமாக செல்லும்படியாகவும் வடிவமைக்கப்படுகிறது.

இயற்கை வாயு மற்றும் திரவ பெட்ரோலிய வாயு ஏற்றிச் செல்லும் கலம்
இவ்வகை கப்பல்களின் பொருட்கள் ஏற்றும் பகுதியும் குளிரூட்டப்பட்டிருக்கும்.(வாயு உதாரணம் : மீத்தேன், பிரப்போன் மற்றும் பல..) இந்த கப்பல்களின் பொருட்கள் ஏற்றும் பகுதி உருளை அல்லது கோளம் வடிவத்தில் உஷ்ண கடத்தா பொருட்களை கொண்டு வடிவமைக்கப்ப்ட்டிருக்கும்.

2007-11-29T18:03:00.000+08:00

பல்க் கேரியர் - பொருட்களை மொத்தமாக எடுத்துச் செல்லும் கலம்
இந்த வகை கப்பல்கள் நிலக்கரி,தானியம்,உலோகம் மற்றும் தாதுப்பொருட்களை மொத்தமாக ஒரு இடத்திலிருந்து மற்றொரு இடத்திற்கு கொண்டு செல்ல பயன்படுகிறது. இந்த வகை கப்பல்களில் அடிப்பாகத்தில் டக்கீல் எனப்படும் நீண்ட குருகிய பாதை கப்பலின் முன்பாகத்திலிருந்து இயந்திர அறை வரை இருக்கும்.இதன் வழியாகத்தான் எண்ணெய் மற்றும் தண்ணீர் நிரப்பும் குழாய் ஆகியவை செல்லும்.

ரோரோ மற்றும் சொகுசு ஊர்தி ஏற்றி செல்லும் கலம்.
இந்த வகை கப்பலின் முகிகியமான உபயோகம், சக்கர வசதி உள்ள ஊர்தியை சொந்தமாக மேலே எற்றி ஒரு இடத்திலிருந்து மற்றொரு இடத்திற்கு கொண்டு செல்ல பயன்படுத்த படுகிறது. கப்பலின் பின்பகுதியில் ரேம் எனப்படும் பாலம் போன்ற ஒரு பகுதி ஹைட்ராலிக் எண்ணெய் உதவியுடன் இயக்கப்படுகின்ற, இப்பாலத்தின் வழி தரையில் இருந்து ஊர்தியை உட்செலுத்துவார்கள்.

இக்கலத்திண் பயன்கள்: ஏற்றுதல் மற்றும் இற்க்குதல் மிக வேகமாக முடிவடையும்.

தீமைகள் : அதிகமான (கொள்ளளவு) இடத்தை பிடிக்கும்.

2007-11-25T07:55:00.000+08:00

இன்று எண்ணெய் ஏற்றும் கப்பலைப் பற்றி ஒரு சிறு குறிப்பு

இந்த வகை கப்பல்கள் எண்ணெய்,சுத்தமான பெட்ரோலிய பொருட்கள் மற்றும் ரசாயனம் போன்றவற்றை எடுத்த செல்ல பயன்படுகிறது. கப்பல்களை கட்டும்போதே எவ்வளவு பெரிதாக மற்றும் என்ன வகைப் பொருட்களை எடுத்த செல்ல பயன்படுத்தபட போகிறது என்பதை முடிவு செய்து அதற்கு ஏற்றார்போல் வடிவமைப்பார்கள். இந்த வகைப் கப்பல்களில் எண்ணெய் கசிவின் ஆபத்தை தடுக்க காபர்டேம் என்று அழைக்கப்படும் வடிதட்டுகள் ஒவ்வொரு எண்ணெய் ஏற்றும் பகுதியில் குறைந்த பட்சம் 76மிமி அள்வுக்கு இருக்கும்.

மேலும் கட்டியான எண்ணெய் மற்றும் கருப்பு கட்டி (மொலஸ்ஸஸ்) போன்றவற்றை திரவமாக்க எல்லா எண்ணெய் ஏற்றும் பகுதிகளிலும் ஹீட்ட்ங் காயில் என்று அழைக்கப்படும் சூடு பண்ணும் கம்பி பொறுத்தப்பட்டிருக்கும். இதனால் எண்ணெய் மிக எளிதாக பம்பினால் உறிஞ்சப்பட்டு இடமாற்றம் செய்ய பயன்படுகிறது.

குறிப்பு: கப்பலை கட்டும்போது உலக கடல்சார் அமைப்பின் நெறிமுறைகளை மனதில் கொண்டு வடிவமைப்படுகிறது. எண்ணெய் மற்றும் எண்ணெய் கலந்த தண்ணீரை கடலில் கலப்பது குற்றமாகும்.

கப்பல்

2007-11-23T16:31:00.000+08:00

பொது வணிக கப்பல்

இந்த கப்பல் பொதுவாக எல்லா வகையான பண்டங்களையும் ஒரு இடத்திலிருந்து மற்றொரு இடத்திற்கு கொண்டு செல்ல உபயோகப்படுத்த படுகிறது. இந்த இருபதாம் நூற்றாண்டின் தொடக்கத்தில்தான் இந்த கப்பலில் பாரம்தூக்கி பயன்படுத்தப்பட்டது.

இந்த கப்பலில் பொருட்களை ஏற்றி செல்வதற்கு பெரிய பள்ளமான பகுதி (கார்கோ ஸ்டோரேஜ்) கனமான இரும்பால் (ஹேட்ச் கவர்) மூடப்பட்டிருக்கும்.

படம் கீழே

கப்பல்

2007-11-22T18:11:00.000+08:00

இந்த பதிவுல கப்பல பத்தி, ஏதோ எனக்கு தெரிந்ததை சொல்லாம்னு நினைகிறேன். நான் ஒரு பத்து வருஷமா சிங்கப்பூர்ல கப்பற் பட்டரையில வேலை செய்துகிட்டிருக்கிறேன்.
கப்பல்ல பலவகை இருக்குங்க. அது என்னென்ன முதல்ல தெரிஞ்சிக்கலாம்.
1.பொது வணிக கப்பல்
2.கொல்கலம் (கண்டெய்னர்) கப்பல்
3.எண்ணெய் ஏற்றும் கப்பல் (டேங்கர்)
4.உல்லாச கப்பல் (பேசங்ஞ்சர்)
5.மீன்பிடி கப்பல்
6.திரவ பெட்ரோலிய வாயு கப்பல் (எல் பி ஜி)
7.இயற்கை வாயு கப்பல்(எல் என் ஜி)
என்று பல வகையான கப்பல்கள் உள்ளன். ஒவ்வொரு கப்பலும் எப்பிடி இருக்கும்னு அடுத்த பதிவுல சொல்றேன்.

படித்தில் பிடித்தது

2007-11-22T15:43:00.000+08:00

நாகத்தின் நச்சு அதனை
தூற்றூவார்தூற்றிடினும்
நாகத்தின் நச்சு அதன்
கேடயம்போல் ஆயுதமே!

கிளிக்கு அலகுபோல!
காளைக்குப் கொம்புபோல!
மனிதனுக்கு பொய்போல!

நாகத்தின் நச்சு அதன்
கேடயம்போல் ஆயுதமே!!

மனதை தொட்ட கவிதை

2007-11-18T17:02:00.000+08:00

இழப்பதற்கு ஏது உண்டு உன்னிடம் - உன் இளமையை தவிர?
உறக்கமா? ஓவர்டைம் என்னாவது?
விடுமுறையா? இருமடங்கு ஊதியமல்லவா?
நீ வியர்வை மட்டுமா சிந்தினாய்?
உன் குருதியும் இளமையும்சரிவர கலந்து
உணவிழந்து,உறக்கமிழந்து
என்னதான் ஈட்டினாய்.

மணமுடித்து மறுவாரம் நீ இங்கெ!
மனமுழுவதும் உன் நினைவுடன்
மனையாள் அங்கே
தொலைபேசி மணி
உங்களின் தாம்பத்ய சங்கீதம்!
தபால்காரர் தேவதூதர்.

இளமையை தனிமையில் நீயும்
அழுகையில் அவளும் செலவழித்து ஈட்டுவதென்ன?
"மன"முறிவுகளும்"
மண"முறிவும்தானே?
பிறந்த சிசுவின்
முகம் பார்க்க
கடிதன் மூலம் பிறவி பயன் பெறுவது

பெர்மிட் முடிந்து நேரில் பார்க்கும்போது!
அழுத குழந்தை
அரண்டு ஒதுங்கும் - யார்
இந்த மாமா? என்று
சகோதரி திருமணம் 'குறு'வட்டில்
அதுவும் பார்க்க கிடைப்பது நடுனிசியில்
ஓவர்டைம் கழிந்து
பார்த்தபின் உறக்கம் ஏது?
உந்தன் நினைவுகளால்.

இறப்புகளுக்கு இங்கிருந்தே இறுதிக்கடன்!
நேரில்சென்றால் ஏறும் கடன்
உன் உறவின் மதிப்பு இவ்வளவுதான்.
இதற்காகத்தான் ஆசைபட்டாயோ??

நண்பனே??

நன்றி : தமிழ் முரசு (சிங்கை)